ဟောင်ကောင်မှ ဝေါင်ဆိုသော ကောင်လေးတစ်ယောက် အကြောင်း

သူ့ကို တရုတ်ပြည်မကြီး အစိုးရပိုင် မီဒီယာများက “အစွန်းရောက်သမားလေး” ဟု ခေါ်ဝေါ် သမုတ်ကြသည်။

မူရင်း - The Voice Weekly
ေေ ဂျော်ရွှေဝေါင်ကို စက်တင်ဘာ ၂၆ ရက်နေ့ ညက ဟောင်ကောင် SAR အစိုးရ အဆောက်အအုံတွင်းသို့ ဝင်ရောက်မှုဖြင့် ဖမ်းသွားသည်။ ထိုနေရာတွင် ကျောင်းသားများ ဆန္ဒပြရန် စုဝေးနေကြခြင်း ဖြစ်သည်။ ရဲများက ဝေါင်နေထိုင်သည့် တက္ကသိုလ် အဆောင်တွင်းသို့ ဝင်ကာ ရှာဖွေကြသည်။ ထို့နောက် ကွန်ပျူတာနှင့် ဖုန်းများကို သိမ်းသွားသည်။ သူ့ကို စက်တင်ဘာ ၂၈ ရက်နေ့မှ ရဲများက ပြန်လွှတ်ပေးလိုက်သည်။

ဂျော်ရွှေဝေါင်သည် ဟောင်ကောင် နိုင်ငံရေး လှုပ်ရှားသူများကြားတွင် တောက်မည့် မီးခဲတရဲရဲ ကောင်လေးတစ်ယောက် ဖြစ်လာသည်။ သူ့ကို တရုတ်ပြည်မကြီး အစိုးရပိုင် မီဒီယာများက “အစွန်းရောက်သမားလေး” ဟု ခေါ်ဝေါ် သမုတ်ကြသည်။ ပြောသာပြောရသည် ထိုကောင်လေးမှာ ကားလိုင်စင်ပင် မရသေး။
တရုတ်ပြည်မကြီးက ကြောက်ရွံ့ စိုးရိမ်လာရသည့် ဝေါင်ဆိုသော ကောင်လေးမှာ အသက်က ၁၇ နှစ်၊ အရိုးဂေါက်ဂက် ပိန်သေးသေး။ အများအခေါ် မှန်ကြောင်ဟု ဆိုရမည့် မျက်မှန်ထူထူ တပ်ထားသည့် အူကြောင်ကြောင် ရုပ်သွင်ကို နိုင်ငံရေး လုပ်မည့်သူ တစ်ယောက်ဟု လုံးဝထင်စရာ အကြောင်းမရှိ။
လွန်ခဲ့သည့် ၂ နှစ်လောက်ကတည်းက ဟောင်ကောင်တွင် ဒီမိုကရေစီ ထောက်ခံသည့် ဆန္ဒပြပွဲများနှင့် အစပျိုးခဲ့သည်ဟု ဆိုရမည်။ လွန်ခဲ့သည့် ၂၅ နှစ်က တိန်အန်မင် ကျောင်းသားအရေးအခင်းတွင် သွေးမြေကျခဲ့ရသည့် အဖြစ်မှာ ဟောင်ကောင်ကျောင်းသားများထံ လာပြီး အရိုးတွန်ခဲ့ခြင်း ဖြစ်သည်။ တရုတ်ကျောင်းသားအရေးကို ဟောင်ကောင် ကျောင်းသားများကလည်း မိမိတို့အရေးဟု သတ်မှတ်ကာ နောက်နှစ်ပေါင်း ၂၅ နှစ်ကြာမှ ဆန္ဒထုတ်ဖော်ခဲ့ကြသည်။ ထိုအထဲတွင် ဝေါင်ဆိုသည့် ကောင်လေး တစ်ယောက်လည်း ပါသည်။ အမှန်တော့ တရုတ်အစိုးရသည် ဟောင်ကောင်ကို မဲပေးပိုင်ခွင့် ကန့်သတ်ပြီး ကိုယ့်စိတ်ကြိုက် ကိုယ့်တိုင်းပြည်ကို အုပ်ချုပ်ခွင့်နှင့် ရွေးချယ်ပိုင်ခွင့် မပေးခြင်းကပင် ကျောင်းသားများကို ဆန္ဒပြရန်မှတစ်ပါး အခြားရွေးချယ်စရာ မရှိကြောင်း ဆုံးဖြတ်ချက် ချစေလိုက်သည်။
ဟောင်ကောင်သည် ယခင်က ဗြိတိန်၏ ကိုလိုနီလက်အောက်ခံ နိုင်ငံတစ်နိုင်ငံ ဖြစ်ခဲ့ပြီး ၁၉၉၇ ခုနှစ်မှ တရုတ်ပြည်သူ့သမ္မတနိုင်ငံ လက်အောက်သို့ ပြန်လည်လွှဲပြောင်း ပေးအပ်ခြင်း ခံခဲ့ရသည်။ တရုတ်နှင့် ဗြိတိန်တို့သည် ဟောင်ကောင်ကို အဆင့်မြင့် ကိုယ်ပိုင်အုပ်ချုပ်ရေး ပေးပါမည်ဆိုသော ကတိကို ပေးခဲ့သည့်အပြင် မိမိတို့ နိုင်ငံကို အုပ်ချုပ်မည့် ခေါင်းဆောင်ကို ဒီမိုကရေစီနည်းကျ ရွေးကောက်တင်မြှောက်ခွင့် ပြုမည်ဆိုသည့် သဘောတူညီချက်များလည်း ထားခဲ့ကြသည်။ သို့သော် နောက် ၁၇ နှစ်ကြာသည်အထိ ဟောင်ကောင်တွင် ဒီမိုကရေစီ ဆိုသည်မှာ အရိပ်အယောင်မျှသာ ဖြစ်ခဲ့သည်။ နောက်ဆုံး တရုတ်အစိုးရက ဟောင်ကောင်သားများကို နောက် ခေါင်းဆောင်အား ကိုယ်ပိုင်ရွေးချယ်ခွင့် ပြုမည်ဟု လေသံပစ်ထားသော်လည်း ဘေဂျင်းက ချပြသူကိုသာ ဟောင်ကောင်သားတို့က ရွေးချယ်ပေးရမလို ဖြစ်ခဲ့ရသည်။
ဝေါင်တစ်ယောက် နိုင်ငံရေးထဲ ဝင်လာရခြင်းသည် တရုတ်၏ ဟောင်ကောင်အပေါ် မရိုးသားသည့် လုပ်ဆောင်ချက်များအပေါ် အခြေခံသည်ဟု ဆိုရမည် ဖြစ်သည်။
“ကျွန်တော်တို့ တိုက်ပွဲက သိပ်ပြီး ကြာလိမ့်မယ် မထင်ဘူး။ တကယ်လို့ ဒီမိုကရေစီ ဆိုတာကို အကြာကြီး အချိန်ဆွဲပြီး တိုက်နေရရင်လည်း၊ တိုက်ရတာ အဖတ်တင်ပြီး အောင်မြင်ဖို့ နှေးလိမ့်မယ်။ တိုက်ပွဲတိုင်းမှာ နောက်ဆုံးအဆင့် ပွဲသိမ်းတိုက်ပွဲဆိုတာ ရှိတတ်တယ်။ အဲဒီအချိန်ဟာ ဘယ်လိုတိုက်ရမလဲဆိုတာ နောက်ဆုံး အဆုံးအဖြတ် ပေးရတဲ့ ကာလပဲ ဖြစ်တယ်” အရွယ်နှင့် မလိုက်အောင် ရင့်ကျက်စွာ ပြောလိုက်သည့် ဝေါင်၏စကားကို CNN က ပုဂ္ဂိုလ်များပင် ငိုင်သွားရသည်။

နိုးကြားလာသော လူငယ်များ

 ဝေါင်ကို ဗလမရှိသော်လည်း ဇရှိသည့် ကောင်လေးဟု ပြောရမည်။ ၂၀၁၁ ခုနှစ် ဝေါင် ၁၅ နှစ် အရွယ်လောက်တွင် ဟောင်ကောင်ရှိ အစိုးရကျောင်းများ၌ ကွန်မြူနစ်စနစ်ကို ထောက်ခံသည့် “အမျိုးသား ကိုယ်ကျင့်တရားဆိုင်ရာ ပညာရေး” ကို သင်ကြားရမည်ဟု ပြဋ္ဌာန်းခဲ့သည်။
ထိုအချိန်ကတည်းက ဝေါင်သည် သူငယ်ချင်းအချို့နှင့်အတူ “Scholarism” ဆိုသည့် အုပ်စုအမည်ဖြင့် ဆန့်ကျင်ဆန္ဒပြမှုများ ပြုလုပ်ခဲ့သည်။ ထိုစဉ်ကတည်းက တရုတ်ပြည်မကြီး၏ လွှမ်းမိုးမှုအပေါ် သူတို့ မကျေမနပ် ဖြစ်ခဲ့ကြသည်။ ၂၀၁၂ ခုနှစ် စက်တင်ဘာလတွင် Scholarism အဖွဲ့၌ ပူးပေါင်းလာသူ ၁၂၀,၀၀၀ ဦးခန့်အထိ ရှိလာသည်။ ထိုအချိန်ကတည်းက သူတို့သည် ဟောင်ကောင်ရှိ အစိုးရရုံးချုပ် နေရာကို သိမ်းပိုက်ပြီး ဆန္ဒပြကြရာ ၁၃ ဦးသည် အစာအငတ်ခံ တိုက်ပွဲဝင်ပြီးနောက် အာဏာပိုင်များက သင်ရိုးညွှန်းတမ်းကို ဆက်လက်မပြဋ္ဌာန်းရန် ဆုံးဖြတ်ပြီး လက်လျှော့ပေးလိုက်ကြသည်။
ထိုအချိန်ကတည်းက ဝေါင်သည် ဟောင်ကောင်ကျောင်းသား လူငယ်တို့၏ စွမ်းအားအကြောင်းကို ကောင်းစွာ လေ့လာသိရှိထားပြီး ဖြစ်သည်။
“နောက်ငါးနှစ်လောက် အကြာမှာ ဟောင်ကောင်ကျောင်းသား တွေဟာ နိုင်ငံရေးကို မယုံကြည်နိုင်လောက်အောင် စိတ်ဝင်စားလာကြတာ တွေ့ရတယ်။ အမျိုးသားပညာရေးပွဲမှာ အစိုးရနဲ့ တစ်ပွဲတစ်လမ်း နွှဲပြီးကတည်းက ကျောင်းသားတွေ ပိုပြီး နိုးကြားတက်ကြွလာ ကြတယ်။ ကျွန်တော်တို့ နိုင်ငံရေးကို သေသေချာချာ လေ့လာခဲ့ကြပါတယ်” ဟု ဝေါင်က ဆိုသည်။
CNN က ဝေါင်ကို ဟောင်ကောင်အပေါ် တရုတ်အစိုးရ၏ စိုးမိုးခြိမ်းခြောက်မှု အကြောင်း မေးကြည့်သောအခါ ဝေါင်က သတင်းမီဒီယာ လွတ်လပ်ခွင့် မရှိကြောင်း ပြောသည်။ ထို့ပြင် ဟောင်ကောင်ရှိ ဘေဂျင်းကို ထောက်ခံနေသူများသည် အမျိုးသားကောင်းစားရေးထက် ငါ့ဆွေငါ့အမျိုး ကောင်းစားရေးကိုသာ လက်ကိုင်ထားနေကြသူများ ဖြစ်ကြောင်း ထောက်ပြသည်။ ထိုသို့ ဘေဂျင်းကို ထောက်ခံနေသူများသာ နေရာရတတ်ကြောင်းလည်း သူက ဆိုသည်။ အသက် ၁၇ နှစ်သာ ရှိသေးသည် ဝေါင်က “ဗဟိုဦးစီးချုပ်ကိုင်မှု ဘယ်လောက်ရှိတယ် ပြောပြောပါ၊ ကျွန်တော်တို့ ဟောင်ကောင်ကိုလည်း အခြားပြည်နယ်တွေ ပုံစံအတိုင်း လုပ်ပိုင်ခွင့်နဲ့ အာဏာတွေ ပေးတာပဲ လိုချင်ပါတယ်” ဟု ဆိုသည်။
ဝေါင်က မဲပေးပိုင်ခွင့်ကို နိုင်ငံတကာ စံအတိုင်း သတ်မှတ်ပေးစေလိုသည်။ သူ့ Scholarism အဖွဲ့သည် ယခုအခါ ကျောင်းသားပေါင်း ၃၀၀ ခန့် ရှိနေပြီ။ ဟောင်ကောင်အတွင်း ဒီမိုကရေစီ အသံကို ပြည်သူ့ထံ ရောက်နိုင်စေရန် လုံလောက်သည့် အရေအတွက်လည်း ဖြစ်သည်။ လူငယ်တွေ ဖြစ်သော်လည်း သူတို့ စိတ်ဓာတ်နှင့် ရုပ်သွင်တွေက ခိုင်မာလှသည်။
ပြီးခဲ့သည့် ဇွန်လကတည်းက Scholarism အဖွဲ့သည် ဟောင်ကောင် ရွေးကောက်ပွဲကို ပြန်လည်ပြုပြင်မည်ဟု ဆုံးဖြတ်ချက် ချခဲ့ကြသည်။ ဇူလိုင်လတွင် သူတို့အုပ်စုသည် ထိုင်သပိတ်မှောက်ပြီး တရုတ်ဒုသမ္မတကို မိမိတို့နိုင်ငံ တည်ငြိမ်အေးချမ်းနေမှုအား ထိပါးနှောင့်ယှက်ခြင်း မပြုရန် သတိပေးခဲ့သည်။ နောက်ဆုံးတွင် ကျောင်းသားပေါင်း ၅၁၁ ဦးကို ခေတ္တထိန်းသိမ်းလိုက်ပြီး ပြန်လွှတ်ပေးလိုက်သည်။
စက်တင်ဘာလအတွင်းက ကျောင်းသားများ ဆန္ဒပြခြင်းကို နိုင်ငံအနှံ့အပြားတွင် ထောက်ခံမှုများ ရှိလာခဲ့သည်။ ကောလိပ်ဝင်ခွင့် စာမေးပွဲများကို သက်ညှာပေးခြင်း၊ အတန်းကျော်ပြီး တက်ရောက်ခွင့် ပြုခြင်းများအထိ ပြုလုပ်ပေးခဲ့သည်။ ဟောင်ကောင်ရှိ အင်အားတောင့်တင်းမှု အရှိဆုံး ဆရာများသမဂ္ဂ ကလည်း ကျောင်းသားများအပေါ် စာနာထောက်ထားပြီး “ကျောင်းသားချည်းသက်သက် ငါတို့ ဆက်လွှတ်မထားနိုင်” ဟုကြေညာချက် ထုတ်ပြန်ခဲ့သည်။
တရုတ်ပြည်မကြီး၏ တုံ့ပြန်မှုကား ထင်မှတ်မထားလောက်အောင်ပင်။ တရုတ်နိုင်ငံတော်ပိုင် မီဒီယာက Scholarism အုပ်စုကို “အစွန်းရောက်အုပ်စု” အဖြစ် ကြေညာလိုက်သည်။ ထို့ပြင် ဝေါင်ကိုလည်း စာရွက်ပြာဟုခေါ်သည့် စာရင်းတွင် အမျိုးသားလုံခြုံရေးကို ခြိမ်းခြောက်နေသူ တစ်ဦးအဖြစ် သတ်မှတ်ပြီး ကွန်မြူနစ်ပါတီ အုပ်ချုပ်ရေး၏ အန္တရာယ်ကောင်ဟုပင် သတ်မှတ်ထားခဲ့ကြသည်။
ဟောင်ကောင် ကျောင်းသားများကား နောက်တွန့်မသွားပေ။ “ပြည်သူတွေက သူတို့အစိုးရကို မကြောက်တော့ဘူး။ အစိုးရက သူတို့ပြည်သူကို ကြောက်နေရပြီ” ဟု ဝေါင်က ရုပ်ရှင်ကားတစ်ကား ဖြစ်သည့် V for Vendetta ဇာတ်ကားထဲက စကားတစ်ခွန်းကို ကိုးကားပြောနေပုံမှာ အုပ်ချုပ်သူ လူတန်းစားအတွက် သတိထားစရာ ဖြစ်တော့သည်။

Ref: Echoing Tiananmen, 17-year-old Hong Kong student prepares for democracy battle, by Wilfred Chan and Yuli Yang, CNN
အယ်ဒီတာတစ်ဦး